نوبل انعام یافتہ پاکستانی طالبہ و سماجی کارکن ملالہ یوسف زئی نے  نیویارک میں اقوام متحدہ کی عمارت کے سامنے  لڑکیوں کے ساتھ مل کر احتجاج کیا۔
اس موقع پر ان کاکہناتھا کہ لڑکیاں کیا چاہتی ہیں؟ عالمی رہنماؤں کو اُن کی آواز سننا ہوگی۔ اُن کا کہنا تھا کہ حکومتوں کو اپنی پالیسیاں مرتب کرتے ہوئے لڑکیوں کے مسائل اور ان کے مطالبات کو ترجیحی بنیادوں پر مد نظر رکھنا ہوگا۔
ملالہ یوسف زئی نے مزید کہا کہ افغانستان میں لڑکیوں کے سیکنڈری تعلیم حاصل کرنے پر پابندی ہے، غزہ میں لڑکیوں پر بم برسائے جارہے ہیں۔

انہوں نے یہ بھی کہا کہ وقت آگیا ہے کہ ہم عالمی رہنماؤں اور حکومتوں کو لڑکیوں کے حقوق یقینی بنانے کےلیے سنجیدہ اقدامات پر مجبور کریں۔
عالمی رہنماؤں کو لڑکیوں کی ضروریات اور خواہشات کو سمجھنے اور ان کی حمایت کرنے کی ضرورت ہے۔ لڑکیاں تعلیم، صحت، اور اپنے مستقبل کے حوالے سے بہتر مواقع چاہتی ہیں