بیروت(انٹرنیشنل ڈیسک)لبنان میں اسرائیلی فوج کی طرف سے جاری بمباری میں حزب اللہ کے مراکز کے علاوہ شہری مقامات اور مساجد تک کو بے رحمی کے ساتھ نشانہ بنایا جا رہا ہے۔
سوشل میڈیا پلیٹ فارمز پر گردش کرنے والے ایک ویڈیو کلپ میں جنوبی لبنان کے سرحدی شہر یارون میں واقع ایک مسجد پر بمباری اور تباہی کے لمحے کو دستاویز کیا گیا ہے۔
القوة الاسرائيلية التي تقدمت الى بلدة يارون جنوب لبنان قامت بتفخيخ مسجد البلدة وتفجيره..
حسبنا الله ونعم الوكيل pic.twitter.com/0wfq1Gx0do— Nahed Youssef (@NahedYussef) October 6, 2024
ویڈیو میں دکھایا گیا ہے کہ مسجد سیکنڈوں میں مکمل طور پر منہدم ہو کر ملبے میں تبدیل ہو گئی اور دھول کے بادل میں ڈوب گئی۔
العربیہ/الحدث کے نامہ نگار کی رپورٹ کے مطابق اسرائیلی افواج یارون میں پیش قدمی کی کوشش کر رہی ہیں اور اس علاقے میں اسرائیلی فوج اور حزب اللہ کے جنگجوؤں کے درمیان جھڑپیں ہو رہی ہیں۔
اتوار کے روز اسرائیلی فوج نے جنوبی لبنان کے تقریباً 25 علاقوں کو خالی کرنے کے لیے ایک نئی وارننگ جاری کرتے ہوئے اس کے باشندوں سے فوری طور پر دریائے اولی کے شمال میں جانے کا حکم دیا ہے۔
مراسلة #العربية: اشتباك بين قوات إسرائيلية وحزب الله في بلدة يارون جنوبي #لبنان #قناة_العربية pic.twitter.com/UogegqLChQ
— العربية عاجل (@AlArabiya_Brk) October 6, 2024
ہفتہ قبل اسرائیل نے مضافاتی علاقے پر اپنے حملے تیز کر دیے تھے اور اسرائیلی فوج نے جنوبی لبنان کے کئی علاقوں پر اپنے تباہ کن فضائی حملے جاری رکھتے ہوئے 30 کے قریب رہ نماؤں سمیت حزب اللہ کے 440 ارکان کو ہلاک کرنے کا اعلان کیا تھا۔
