امریکا میں نومنتخب صدر ڈونلڈ ٹرمپ کے ہوٹل کے باہر سائبر ٹرک میں دھماکا ہوا ہے، جس کے نتیجے میں ایک شخص ہلاک اور سات افراد زخمی ہوگئے۔
امریکی میڈیا کے مطابق امریکی شہر لاس ویگاس میں ہوٹل کے داخلی دروازے پر ٹرک میں ہوئے دھماکے سے آگ لگ گئی، فائر بریگیڈ نے آگ پر قابو پالیا۔
حکام کے مطابق ٹرک میں ایک شخص مردہ پایا گیا۔
صدر جوبائیڈن کا کہنا ہے نیو اورلینز واقعے اور لاس ویگاس دھماکے میں ممکنہ تعلق کی تحقیقات ہو رہی ہیں، ادارے سائبرٹرک دھماکے کا سراغ لگا رہے ہیں۔
دوسری جانب سائبر ٹرک بنانے والی کمپنی ٹیسلا کے مالک ایلون مسک کا کہنا ہے سائبر ٹرک میں دھماکا ممکنہ طور پر دہشت گردی ہے۔
