تیونس میں مہاجرین کی دو کشتیاں بدترین حادثے کا شکار ہونےکے باعث 27 افراد ہلاک ہوگئے جبکہ درجنوں افراد کو بچالیا گیا۔
برطانوی خبررساں ادارے کے مطابق تیونس کے نیشنل گارڈز نے بیان میں کہا کہ کوسٹ گارڈز نے بحیرہ روم دو کشتیوں کے ڈوبنے کےبعد 27 لاشیں نکال لیں جو افریقی ممالک سے تعلق رکھنے والے افراد کی ہیں۔
کشتیوں کو حادثہ ایسفیکس شہر کے قریب سمندر میں پیش آیا جہاں سے اکثر افریقی ممالک سے تعلق رکھنے والے پناہ گزین یورپی ممالک میں داخل ہونے کے لیے روانہ ہوتے ہیں۔
تیونس کے نیشنل گارڈز نے کہا کہ کوسٹ گارڈز نے اسفیکس میں کشتیوں کے حادثے میں ڈوبنے والوں میں سے 87 افراد کو بچالیا ہے۔
قبل ازیں تیونس کے کوسٹ گارڈز نے گزشتہ ماہ دو مختلف حادثات میں ڈوبنے والے 30 افراد کی لاشیں نکال لی تھیں، جن کی کشتیاں یورپ جاتے ہوئے ڈوب گئی تھیں۔
تیونس کو غیرمتوقع پناہ گزینوں کے بحران کا سامنا رہتا ہے کیونکہ افریقی ممالک سے غیرقانونی طور پر یورپ جانے کی کوشش کرنے والے افراد نے لیبیا کے بجائے تیونس کو اپنی روانگی کے مقام کے طور پر چن لیا، اور اسی استے باہر جانے کی کوشش کرتے ہیں۔