نائب وزیراعظم اسحاق ڈار سے امریکی ناظم الامور نٹالی بیکر نے ملاقات کی۔ ترجمان دفتر خارجہ کے مطابق ملاقات میں موجودہ علاقائی صورتحال پر تبادلہ خیال کیا گیا۔
ترجمان دفتر خارجہ کے مطابق اسحاق ڈار نے علاقائی امن و سلامتی اور قومی مفادات کے تحفظ کے پاکستان کے عزم کا اعادہ کیا۔
ترجمان دفتر خارجہ کے مطابق امریکی ناظم الامور نے کشیدگی میں کمی کرنے کے حوالے سے امریکی خواہش کا اظہار کیا۔
امریکی ناظم الامور نٹالی بیکر نے اس موقع پر کہا کہ امریکا ابھرتی صورتحال کے پیش نظر دونوں ملکوں سے رابطے میں رہے گا۔
اسحاق ڈار سے امریکی ناظم الامور کی ملاقات، موجودہ علاقائی صورتحال پر گفتگو
