نئی دہلی (نیوز ڈیسک) ایک پاکستانی نیوز چینل کے مطابق، بھارتی ایئر فورس کے سربراہ ایئر چیف مارشل امر پریت سنگھ کو اندرے ایئر فورس ہیڈ کوارٹر میں چار ہندو افسران نے مبینہ طور پر مار پیٹ کی گئی۔ یہ واقعہ ایک ڈی بریفنگ سیشن کے دوران پیش آیا، جہاں سکھ ایئر چیف پر حملے کا الزام لگایا گیا۔ گرفتار ہونے والے افسران میں شیواس دیکشت، ونگ کمانڈر اجے راجپوت، فلائنگ آفیسر رکش کمار اور سکواڈرن لیڈر نیٹن تولسی رام شامل ہیں۔
اس خبر کے مطابق، اس واقعے کے بعد ایئر چیف مارشل امر پریت سنگھ کی سیکیورٹی بڑھا دی گئی ہے۔ نیوز چینل نے دعویٰ کیا کہ یہ واقعہ بھارتی فورسز کے اندر بڑھتی ہوئی مایوسی اور اندرونی تنازعات کا نتیجہ ہے، جو حالیہ فوجی آپریشنز اور پاکستان کے ساتھ تعلقات میں کشیدگی کے تناظر میں پیش آیا۔
خبر میں مزید کہا گیا ہے کہ بھارتی فورسز کے اندر ہندو اور سکھ افسران کے درمیان کشیدگی عروج پر ہے، اور یہ تنازعات بھارت کی فوجی حکمت عملی کی ناکامی اور پاکستان کے ہاتھوں شکست کے نتیجے میں سامنے آ رہے ہیں۔ نیوز چینل نے “آپریشن سندور” کا بھی ذکر کیا، جو بھارت اور پاکستان کے درمیان حالیہ فوجی تصادم کا حصہ ہے، اور اسے بھارتی فوجی ڈس آرڈر کی عکاسی کے طور پر پیش کیا گیا۔
تاہم، اس دعوے کی کوئی معتبر تصدیق نہیں ہوئی ہے، اور بھارتی ایئر فورس یا بین الاقوامی میڈیا نے اس واقعے کی تصدیق نہیں کی۔ یہ خدشہ ظاہر کیا جا رہا ہے کہ یہ اطلاعات پروپیگنڈا کا حصہ ہو سکتی ہیں، جو بھارتی فوجی اداروں کی کمزوریوں کو اجاگر کرنے کے لیے پھیلائی گئی ہیں۔
پاکستانی حکام اور میڈیا نے اس واقعے کو بھارت کے اندرونی بحران اور فوجی عدم استحکام کی علامت کے طور پر پیش کیا ہے، جب کہ بھارت کی جانب سے اب تک کسی بھی قسم کی آفیشل بیان جاری نہیں کیا گیا ہے۔
کافر چلے تھے ہماری صفوں میں دراڑ ڈالنے
مگر
ہمارے اللّٰہ پاک نے کافروں کی چال کو انہی پر الٹ دیا
سبحان اللّٰہ ❤️ pic.twitter.com/NS0RtWa3ul— بانکے میاں (@bankay_mian62) May 12, 2025
