آئی جی پنجاب کی کرائم کنٹرول ڈپارٹمنٹ کیلئے تین سو سے زائد نئی گاڑیوں کی ڈیمانڈ پر فنانس ڈیپارٹمنٹ نے اعتراض لگا کر سمری روک دی۔
سی سی ڈی پولیس کے لیے گاڑیوں خریدنے کے معاملے پر فنانس ڈیپارٹمنٹ نے آئی جی پنجاب کی سمری پر اعتراضات لگا دئیے۔
آئی جی پنجاب کی جانب سے کرائم کنٹرول ڈپارٹمنٹ کیلئے اربوں روپے مالیت کی تین سو سے زائد گاڑیوں کی ڈیمانڈ کی گئی۔
نجی ٹی وی کے مطابق فنانس ڈپارٹمنٹ نے گاڑیوں کی خریداری دو مرحلوں میں کرنے کی ہدایت کی ہے۔
آئی جی پنجاب کی جانب سے گاڑیوں کی خریداری کیلئے سمری جلد دوبارہ پنجاب حکومت کو بھجوائی جائیگی، جس میں سی سی ڈی کیلئے آدھی گاڑیاں رواں مالی سال اور آدھی گاڑیاں آئندہ سال کے بجٹ میں خریدنے کیلئے ڈیمانڈ کی جائے گی۔
آئی جی پنجاب نے سمری میں 13 کروڑ مالیت کی ایک لینڈ کروزر، 5 فورچونرز، 45 ڈبل کیبن، 19 بلٹ پروف سمیت دیگر گاڑیوں کی ڈیمانڈ کی  ۔