لندن: مسلم لیگ ن کے صدرمیاں نوازشریف نے کہاہے کہ شہبازشریف اورمریم نواز کےا چھے کاموں کی وجہ سے لوگوں نے ہمیں ووٹ دیا،عالمی سطح پر ملکی وقارمیں اضافہ ہوا،حکومتی اقدامات سےملک کی سیاست اور معیشت پربھی اچھے اثرا ت مرتب ہورہے ہیں
میڈیاسے گفتگو کرتےہوئے نوازشریف نے کہاکہ ملک کے حالات دن بدن بہتر ہورہے ہیں،عوام کو ماضی کے مقابے میں بہترریلیف مل رہاہے ۔انہوں نے کہاکہ وزیراعظم شہبازشریف اوروزیراعلیٰ پنجاب مریم نواز کےا چھے کاموں کی وجہ سے لوگوں نے ہمیں ووٹ دیا،پنجاب حکومت مریم کی سربراہی میں اچھاکام کررہی ہے،ن لیگ کی حکومت کے اقدامات کے ملک کی سیاست اور معیشت پربھی اچھے اثرا ت مرتب ہورہے ہیں۔انہوں نے کہاکہ پاکستان کے دنیامیں اچھے دوست ہیں، دوست ممالک نے ہمیشہ پاکستان کاساتھ دیاعالمی سطح پر ملکی وقارمیں اضافہ ہوا ۔انہوں نے کہاکہ پوری دنیاکی نظریں کشمیرپر لگی ہوئی ہیں، اقوام متحدہ کو کشمیراور فلسطین سے متعلق اپنی قراردادوں پرعمل درآمدکراناچاہئے۔