پاک فوج کے شعبہ تعلقات عامہ (آئی ایس پی آر) نے 6 ستمبریومِ دفاع و شہداء کے موقع پر جنگِ ستمبر 1965 کے ہیروز کو خراجِ تحسین پیش کرتے ہوئے ایک نئی ڈاکیومینٹری جاری کر دی ہے۔
اس ڈاکیومینٹری میں 1965 کی جنگ کے غازیوں کی زبانی اُن کی قربانیوں اور بہادری کی داستانیں سنائی گئی ہیں، جبکہ پاکستان آرمی کے ریاست سے تعلق اور ملک کے دفاع کے عزم کو خوبصورتی سے اُجاگر کیا گیا ہے۔
یومِ دفاع کے جذبے کو مزید اُجاگر کرنے کے لیے آئی ایس پی آر نےنیا ملی نغمہ ‘اللہ ھو بھی جاری کیا ہے، جسے معروف گلوکار و موسیقارساحر علی بگا نے اپنی آواز میں پیش کیا ہے۔
یہ نغمہ پاکستان کی مسلح افواج کی بہادری، عوام کے عزم، اور وطن سے محبت کا بھرپور اظہار ہے۔اللہ ھو کی گونج دشمن کو خبردار کرتی ہے کہ پاکستانی قوم اور افواج ہر چیلنج کا ڈٹ کر مقابلہ کرنے کے لیے تیار ہیں۔
یومِ دفاع پر یہ کاوش قوم کے اُن ہیروز کو یاد کرنے کی ایک کوشش ہے، جنہوں نے مادرِ وطن کی خاطر اپنی جانوں کا نذرانہ پیش کیا۔