کراچی(کامرس ڈیسک) عالمی اور مقامی مارکیٹوں میں سونے کی قیمتوں میں بڑا اضافہ ریکارڈ کیا گیا، جس کے بعد قیمتیں نئی تاریخی سطح پر پہنچ گئیں۔

بین الاقوامی بلین مارکیٹ میں آج پیر کے روز فی اونس سونے کی قیمت 61 ڈالر بڑھ گئی، جس کے بعد عالمی ریٹ 3 ہزار 613 ڈالر فی اونس کی بلند ترین سطح پر جا پہنچا۔

ادھر مقامی صرافہ بازاروں میں 24 قیراط فی تولہ سونا 6100 روپے مہنگا ہوکر 3 لاکھ 84 ہزار روپے کا ہوگیا۔ اسی طرح فی 10 گرام سونے کی قیمت 5230 روپے اضافے سے 3 لاکھ 29 ہزار 219 روپے کی بلند ترین سطح پر جا پہنچی۔