جاپان کی مشہور موٹر سائیکل ساز کمپنی یاماہا نے پاکستان میں اپنی موٹر سائیکلوں کی پیداوار بند کرنے کا باقاعدہ اعلان کر دیا ہے۔ کمپنی نے یہ قدم اپنی کاروباری پالیسی میں تبدیلی کے تحت اٹھایا ہے۔
صارفین کی سالوں پر محیط وفاداری کا تہہ دل سے شکریہ
یاماہا موٹر پاکستان (پرائیویٹ) لمیٹڈ نے ایک اعلامیے میں کہا ہے کہ ہم پاکستان میں یاماہا موٹر سائیکل استعمال کرنے والے تمام صارفین کا دل سے شکریہ ادا کرتے ہیں۔ ہمیں آپ کی طویل المدتی حمایت اور اعتماد پر فخر ہے۔
 کیا سروسز بند ہو رہی ہیں؟
پیداوار کے خاتمے کے باوجود کمپنی نے موجودہ صارفین کو یقین دہانی کروائی ہے کہ  اسپیئر پارٹس کی فراہمی ڈیلرز کے ذریعے جاری رہے گی ، وارنٹی سروسز اور کسٹمر سپورٹ بھی معمول کے مطابق دستیاب ہوں گی
 مزید معلومات کہاں سے حاصل کریں؟
کمپنی نے صارفین کو مشورہ دیا ہے کہ وہ کسی بھی قسم کی رہنمائی یا معلومات کے لیے یاماہا کی آفیشل ویب سائٹ یا  ای میل کے ذریعے رابطہ کرسکتے ہیں۔