آئی سی سی کی نئی ون ڈے رینکنگ کے مطابق پاکستان کے کپتان بابر اعظم نے اپنی چوتھی پوزیشن برقرار رکھی ہے، جبکہ وکٹ کیپر بلے باز محمد رضوان ایک درجے ترقی کے بعد 24 ویں نمبر پر پہنچ گئے ہیں۔
انٹرنیشنل کرکٹ کونسل (آئی سی سی) کی فہرست میں بھارت کے روہت شرما نے ہم وطن شبمان گل سے پہلی پوزیشن حاصل کر لی ہے۔ شبمان گل دو درجے تنزلی کے بعد تیسری پوزیشن پر آگئے ہیں، جب کہ افغانستان کے ابراہیم زادران بدستور دوسری پوزیشن پر موجود ہیں۔
پاکستان کے دیگر کھلاڑی فخر زمان کی 27 ویں پوزیشن برقرار ہے۔بولرز کی فہرست میں ٹاپ تھری میں کوئی تبدیلی نہیں ہوئی: افغانستان کے راشد خان پہلے، جنوبی افریقہ کے کیشو مہاراج دوسرے، اور سری لنکا کے مہیش تھیکشانا تیسرے نمبر پر ہیں۔پاکستان کے تیز گیند باز شاہین شاہ آفریدی ایک درجے ترقی کے بعد 14 ویں نمبر پر پہنچ گئے ہیں، جبکہ حارث رؤف کی پوزیشن 30 ویں پر برقرار ہے۔