غذر(ممتاز نیوز )گلگت بلتستان کے ضلع غذر کے گاؤں شیر قلعہ میں آسمانی بجلی گِرنے سے ہونے والی لینڈ سلائیڈنگ کے نتیجے میں جاں بحق افراد کی تعداد 8 ہوگئی۔

ڈپٹی کمشنر کے مطابق گاؤں شیر قلعہ میں لینڈ سلائیڈنگ کے نتیجے 3 افراد زخمی بھی ہوئے ہیں۔

انہوں نے بتایا کہ لینڈ سلائیڈنگ کے دوران لاپتہ محکمۂ برقیات کے 6 ملازمین محفوظ ہیں۔

ڈی سی غذر نے مزید کہا ہے کہ گزشتہ روز گاؤں شیر قلعہ میں لینڈ سلائیڈنگ سے متعدد گھر اور 2 بجلی گھر زیرِ آب آگئے تھے۔

اُن کا یہ بھی کہنا ہے کہ لینڈ سلائیڈنگ سے محکمۂ برقیات کے 6 ملازمین بھی لاپتہ ہو گئے تھے۔