یوکرین کے صدر ولودیمیر زیلنسکی نے کہا ہے کہ موجودہ سیکیورٹی حالات میں ملک میں انتخابات کرانا ممکن نہیں ہے۔
رپورٹس کے مطابق صدر زیلنسکی امریکی صدر ڈونلڈ ٹرمپ سے ملاقات کے لیے فلوریڈا روانہ ہوئے ہیں۔ انہوں نے اپنے آڈیو پیغام میں بتایا کہ پہلے وہ کینیڈا میں رُک کر وزیراعظم مارک کارنی سے ملاقات کریں گے، اور پھر امریکہ جائیں گے۔
یوکرینی صدر نے کہا کہ یوکرین کے لیے اپنی سرخ لکیریں ہیں، تاہم مفاہمت کا راستہ بھی موجود ہے۔ انہوں نے مزید وضاحت کی کہ انتخابات کے لیے مضبوط سیکیورٹی کی ضمانتیں ضروری ہیں، اور امریکی حمایت کا انحصار اس بات پر ہے کہ صدر ٹرمپ کون سی ضمانتیں دینے کے لیے تیار ہیں۔
زیلنسکی نے روس کے میزائل اور ڈرون حملوں سے دفاع کے لیے مزید دفاعی میزائلوں کی ضرورت پر بھی زور دیا اور کہا کہ چین فی الحال روس-یوکرین امن عمل میں حصہ لینے کے لیے تیار نہیں لگتا۔
امریکی میڈیا کی تصدیق کے مطابق، امریکی صدر ٹرمپ اور یوکرینی صدر زیلنسکی کی ملاقات کل متوقع ہے۔