آسٹریلیا کے نک کرگیوس نے ویمنز کی عالمی نمبر ایک آرینا سبالینکا کو بیٹل آف سیکسز نمائشی میچ میں شکست دے دی۔
تفصیلات کے مطابق دبئی میں کھیلے گئے اس منفرد میچ میں کرگیوس نے سبالینکا کو اسٹریٹ سیٹس 6-3، 6-3 سے ہرایا۔
یہ مرد اور خاتون کھلاڑیوں کے درمیان نمائشی مقابلہ دنیا بھر کی توجہ کا مرکز رہا۔ چار گرینڈ سلیم جیتنے والی سبالینکا اور کرگیوس کے درمیان میچ کا توازن برقرار رکھنے کے لیے خصوصی قوانین نافذ کیے گئے تھے۔
یاد رہے کہ مینز عالمی نمبر 671 نک کرگیوس نے ستمبر میں سبالینکا کو اس چیلنج کے لیے دعوت دی تھی۔ ایک انٹرویو میں انہوں نے کہا تھا کہ سبالینکا کو شکست دینے کے لیے انہیں اپنا پورا 100 فیصد دینے کی ضرورت نہیں پڑے گی اور خواتین مردوں کی تیز سروسز کا مقابلہ نہیں کر سکتیں۔