اسرائیل نے اقوام متحدہ کے ادارہ برائے فلسطینی پناہ گزین (انروا – UNRWA) کے لیے دیا گیا سفارتی استثنیٰ ختم کر دیا ہے۔ اسرائیلی پارلیمنٹ نے اس سلسلے میں قانون سازی کی منظوری دے دی ہے۔
اس نئے قانون کے تحت اب اسرائیلی عدالتیں انروا کے خلاف قانونی کارروائی کر سکتی ہیں، اور حکام کو مقبوضہ بیت المقدس میں انروا کے دو دفاتر ضبط کرنے کا اختیار بھی حاصل ہو گیا ہے۔
قانون کے نتیجے میں اسرائیلی کمپنیاں انروا کے اداروں کو پانی، بجلی اور مالی خدمات فراہم نہیں کر سکیں گی، جس سے ادارے کی روزمرہ سرگرمیاں شدید متاثر ہونے کا خدشہ ہے۔ اس فیصلے سے ادارے کی خدمات اور فلسطینی پناہ گزینوں کی زندگیوں پر بھی ممکنہ اثرات مرتب ہونے کا امکان ہے۔