معروف کرکٹ ویب سائٹ نے سال 2025 کی ٹی ٹوئنٹی ٹیم آف دی ایئر کا اعلان کر دیا، لیکن اس فہرست میں پاکستان کا کوئی کھلاڑی شامل نہیں ہو سکا۔
ٹیم میں بھارت اور انگلینڈ کے 3، 3 کھلاڑی شامل ہیں، جبکہ ویسٹ انڈیز کے 2، اور آسٹریلیا، افغانستان اور جنوبی افریقہ کے ایک ایک کھلاڑی کو بھی جگہ دی گئی ہے۔
ٹیم آف دی ایئر میں ابھیشک شرما، فل سالٹ، جوز بٹلر، نکلوس پوران اور ڈیوالڈ بریوس جیسے کھلاڑی شامل ہیں۔ اس کے علاوہ ٹم ڈیوڈ، سیم کرن، جیسن ہولڈر، نور احمد، ورن چکرورتھی اور جسپریت بمرا کو بھی ٹیم کا حصہ بنایا گیا ہے۔
پاکستانی شائقین کے لیے یہ خبر مایوس کن ہے، تاہم ٹیم کا اعلان عالمی معیار کے کھلاڑیوں کی کارکردگی کی بنیاد پر کیا گیا ہے۔