راولپنڈی(ممتاز نیوز)نامعلوم موبائل کالز سے عمران خان کے میڈیا ایڈوائزر فیاض الحسن چوہان کو بھی دھمکیاں دی جارہی ہیں۔
فیاض الحسن چوہان نے اپنے جاری کردہ بیان میں کہا کہ بیگم صفدر اعوان کا اسٹریٹجک میڈیا سیل بڑی خوبصورتی سے اداروں اور عوام کے درمیان خلیج پیدا کر رہا ہے۔
مجھے نامعلوم کالز کے ذریعے PTI نہ چھوڑنے کی صورت میں سنگین نتائج کی دھمکیاں کون دے رہا ہے۔۔ بیگم صفدر اعوان کا سٹریٹیجک میڈیا سیل کمال عیاری سے اداروں اور عوام کے درمیان خلیج اور نفرت پیدا کرنے کی کیسے کوشش کر رہا ہے۔۔!!! pic.twitter.com/FCi1v3PIoP
— Fayaz ul Hassan Chohan (@Fayazchohanpk) July 9, 2022
انہوں نے بتایا کہ مجھے نو کالر آئی ڈی سے کال آئی اور دو دن میں پی ٹی آئی چھوڑنے کی دھمکی دی گئی، بصورت دیگر سنگین نتائج بھگتنے کی دھمکیاں دی گئیں، نامعلوم نمبر سے کال سے تاثر دیا گیا کہ کسی ادارے کی طرف سے کال آئی ہے۔
فیاض الحسن چوہان نے مزید کہا کہ ن لیگ اور بیگم صفدر اعوان اس وقت عمروعیار کی سیاست ہر گامزن ہیں، اس قسم کے اوچھے ہتھکنڈوں سے پی ٹی آئی کے قائدین اور کارکنان کا حوصلہ پست نہیں کیا جاسکتا۔
واضح رہے کہ کچھ دن قبل بھی پاکستان تحریک انصاف (پی ٹی آئی) کے رہنما اسد عمر نے سماجی رابطے کی ویب سائٹ ٹوئٹر پر اپنے جاری کردہ بیان میں کہا تھا کہ عمران خان کو جلسے میں لے کر جانے والے پائلٹ کو بھی اب فون کالز پردھمکیاں دی جا رہی ہیں۔
سابق وفاقی وزیر اسد عمر نے مزید کہا تھا کہ امپورٹڈ حکومت اور کتنا گرے گی۔
