سوشل میڈیا پر ایک دلچسپ ویڈیو وائرل ہو رہی ہے جس میں بھارتی اسٹار کرکٹر ویرات کوہلی اور سابق کپتان ایم ایس دھونی سے مشابہت رکھنے والے دو نوجوان موٹر سائیکل پر گھومتے نظر آ رہے ہیں۔
وائرل ویڈیو میں دیکھا جا سکتا ہے کہ ایک ٹریفک سگنل پر موجود شخص برابر میں کھڑی بائیک پر سوار ایک نوجوان کو ویرات کوہلی کہہ کر مخاطب کرتا ہے، جس پر وہ مسکراتے ہوئے سامنے بیٹھے لڑکے کی طرف اشارہ کر کے کہتا ہے کہ ایم ایس دھونی بھی ساتھ ہے۔ دونوں نوجوانوں کی شکلیں حیرت انگیز حد تک ویرات کوہلی اور ایم ایس دھونی سے ملتی جلتی دکھائی دیتی ہیں۔
یہ منظر دیکھ کر ویڈیو بنانے والا شخص خاصا حیران ہو جاتا ہے، جبکہ دونوں ہمشکل نوجوان ہنستے ہوئے بتاتے ہیں کہ وہ خود بھی ویرات کوہلی اور ایم ایس دھونی کے بڑے مداح ہیں۔
دلچسپ اور مزاح سے بھرپور یہ ویڈیو سوشل میڈیا صارفین کی توجہ حاصل کر رہی ہے اور خوب شیئر کی جا رہی ہے۔