بالی ووڈ کے لیجنڈ اداکار گووندا کی اہلیہ سنیتا آہوجا نے شوہر کے مبینہ افیئرز اور ازدواجی تنازعات پر کھل کر بات کی ہے۔ ایک حالیہ پوڈکاسٹ میں سنیتا نے گووندا سے علیحدگی کی افواہوں کی متعدد بار تردید کی، مگر ساتھ ہی کہا کہ وہ شوہر کی زندگی میں آنے والی دیگر خواتین کے معاملے کو بھی نظر انداز نہیں کرتیں۔
سنیتا آہوجا نے واضح کیا کہ ان کا اور گووندا کا رشتہ مضبوط اور ناقابلِ جدائی ہے، اور اگر بے وفائی ثابت ہوئی تو معافی کا سوال ہی پیدا نہیں ہوگا۔ گفتگو کے دوران انہوں نے طنزیہ انداز میں خاندانی ذمہ داریوں، بچوں کے مستقبل اور بطور والد گووندا کے کردار پر بات کی اور بیٹے کے لیے غیر سنجیدگی پر بھی ناراضی ظاہر کی۔
انہوں نے مزید کہا کہ ان کے درمیان طلاق نہیں ہوئی اور اس کا کوئی ارادہ بھی نہیں ہے، اور وہ اب بھی ایک ساتھ رہ رہے ہیں۔ گووندا اور سنیتا آہوجا کی شادی 1987 میں ہوئی تھی اور ان کے دو بچے ہیں: ٹینا آہوجا اور یش وردھن آہوجا۔