لاہور کے علاقے اچھرہ کی سنار مارکیٹ میں تاجروں سے بڑے پیمانے پر سونے کا فراڈ کرنے والے ملزم کو پولیس نے گرفتار کر لیا ہے۔
پولیس حکام کے مطابق گرفتار ملزم کی شناخت وسیم اختر کے نام سے ہوئی ہے، جس کے قبضے سے 2 کلو سونا، 3 کروڑ روپے نقد رقم اور ایک قیمتی گاڑی برآمد کی گئی ہے۔
حکام کا کہنا ہے کہ ملزم پر مجموعی طور پر 20 کلو سونا فراڈ کے ذریعے ہتھیانے کا الزام ہے، جس سے سنار مارکیٹ کے تاجروں کو بھاری مالی نقصان اٹھانا پڑا۔
پولیس کے مطابق ملزم سے مزید تفتیش جاری ہے، جبکہ امکان ظاہر کیا جا رہا ہے کہ اس کیس میں مزید انکشافات اور ممکنہ سہولت کاروں کا بھی سراغ لگایا جا سکتا ہے۔