سابق ڈی جی آئی ایس آئی فیض حمید کے بھائی نجف حمید کے خلاف کرپشن اور آمدن سے زائد اثاثہ جات کی تحقیقات کا آغاز کر دیا گیا ہے۔
ذرائع کے مطابق ایف آئی اے کے اینٹی کرپشن سیل نے اس سلسلے میں انکوائری شروع کر دی ہے اور نجف حمید سے متعلق تمام متعلقہ اداروں سے تفصیلات طلب کر لی گئی ہیں۔ ساتھ ہی ان کے بینک اکاؤنٹس کی معلومات بھی حاصل کی جا رہی ہیں۔
نجف حمید کی گرفتاری کے لیے ایف آئی اے نے مختلف مقامات پر چھاپے مارے، تاہم ابھی تک انہیں حراست میں نہیں لیا جا سکا۔
واضح رہے کہ نجف حمید کی زمینوں سے متعلق اسکینڈل میں عبوری ضمانت پہلے ہی منسوخ ہو چکی ہے، اور اب تحقیقات مزید تیز کر دی گئی ہیں۔