یوکرین کے صدر ولودوومیر زیلینسکی نے کہا ہے کہ امریکا چاہتا ہے کہ یوکرین اور روس کے درمیان جاری جنگ جون تک ختم ہو جائے۔
غیر ملکی خبر رساں ایجنسی کے مطابق صدر زیلینسکی کا کہنا تھا کہ امریکا نے پہلی مرتبہ یہ تجویز پیش کی ہے کہ یوکرین اور روس کے مذاکراتی وفود آئندہ ہفتے امریکا میں ملاقات کریں۔ ان کے مطابق ممکنہ طور پر یہ ملاقات میامی میں ہو سکتی ہے۔
یوکرینی صدر نے واضح کیا کہ یوکرین اپنی خودمختاری سے متعلق کسی بھی فیصلے میں براہِ راست شمولیت کو ناگزیر سمجھتا ہے۔ ان کا کہنا تھا کہ یوکرین ایسے کسی معاہدے کی حمایت نہیں کرے گا جو اس کی شرکت کے بغیر طے پایا جائے۔
صدر زیلینسکی نے زور دیا کہ جنگ کے خاتمے سے متعلق کسی بھی پیش رفت میں یوکرین کی مرضی اور شمولیت بنیادی شرط ہے۔