امریکا اور اسرائیل کی ایران پر حملوں کے ابتدائی 15 روز میں ہونے والی ہلاکتوں کی تفصیلات سامنے آ گئی ہیں۔ عرب میڈیا کے مطابق ایران میں ان کارروائیوں کے نتیجے میں 1,444 افراد شہید ہو چکے ہیں۔ اسرائیلی حملوں کے دوران لبنان میں 773 افراد جاں بحق ہوئے جبکہ اسرائیل میں ہلاکتوں کی تعداد 14 تک پہنچ گئی ہے۔ ایرانی جوابی کارروائیوں میں بھی جانی نقصان ہوا اور 11 امریکی فوجی مارے گئے۔ علاوہ ازیں دیگر خلیجی اور مشرق وسطیٰ کے ممالک میں بھی متاثرین ہوئے، جن میں متحدہ عرب امارات میں 6، سعودی عرب میں 2، عراق میں 26، کویت میں 6، عمان میں 3 اور بحرین میں 2 افراد شامل ہیں۔ یہ اعداد و شمار اس بات کی واضح عکاسی کرتے ہیں کہ خطے میں جاری کشیدگی انسانی جانوں پر کس حد تک مہلک اثر ڈال رہی ہے اور امن کی فوری ضرورت کو اجاگر کرتے ہیں۔