تین دہائیوں سے زائد عرصہ گزرنے کے بعد بالی ووڈ کی مشہور فلم ’کھلنایک‘ کا کردار ایک بار پھر بڑے پردے پر واپس آرہا ہے۔
1990 کی دہائی میں ریلیز ہونے والی فلم کھلنایک کے مرکزی اداکار سنجے دت نے سوشل میڈیا پر اپنے نئے روپ کی جھلک شیئر کرتے ہوئے کھلنایک کے سیکویل کا اعلان کیا اور لکھا کہ ہر کہانی کا ایک وقت ہوتا ہے، اور اب اس کا وقت آ گیا ہے۔
View this post on Instagram
ممبئی میں ایک تقریب کے دوران سنجے دت نے واضح کیا کہ یہ فلم روایتی سیکویل نہیں بلکہ ایک نئی اور منفرد انداز میں پیش کی جانے والی کہانی ہوگی۔
View this post on Instagram
جاری کیے گئے مختصر ٹیزر میں ان کا روپ پہلے سے زیادہ سخت اور وقت کے اثرات کا حامل دکھایا گیا ہے جو اس بات کی طرف اشارہ کرتا ہے کہ کردار عمر رسیدہ ضرور ہوا ہے مگر اس کی شدت برقرار ہے۔
View this post on Instagram
دلچسپ بات یہ ہے کہ اس فلم کا خیال سنجے دت کو جیل میں قیام کے دوران آیا۔
ان کے مطابق انہوں نے وہاں موجود تقریباً چار ہزار قیدیوں سے رائے لی جنہوں نے اس کردار کو دوبارہ دیکھنے میں دلچسپی ظاہر کی اور اپنی آرا تحریری شکل میں دیں جنہیں پڑھنے میں کافی وقت لگا۔
بعد ازاں انہوں نے یہ خیالات ہدایتکار سبھاش گھئی کے ساتھ شیئر کیے جنہوں نے اصل فلم بنائی تھی اور سبھاش نے اس نئے منصوبے کی حمایت کی۔
مزیدپڑھیں:عاصم اظہر نے ہانیہ عامر کا ہاتھ تھام لیا
یاد رہے کہ 1990 کی دہائی میں ریلیز ہونے والی ’کھلناہک‘ ایک بڑی ہٹ فلم ثابت ہوئی تھی۔
اس فلم میں سنجے دت کے ساتھ جیکی شروف اور مادھوری ڈکشت نے بھی اہم کردار ادا کیا تھا۔
