انڈین پریمیئر لیگ (IPL) میں سیکیورٹی کی سنگین خلاف ورزی سامنے آ گئی۔
بینگلور کے چناسوامی اسٹیڈیم میں سی سی ٹی وی سسٹم کو خراب کرنے کے الزام میں 2 افراد کو گرفتار کر لیا گیا۔
یہ واقعہ 24 اپریل کو رائل چیلنجرز بینگلور اور گجرات ٹائٹنز کے ہائی پروفائل میچ سے پہلے پیش آیا۔
رپورٹس کے مطابق اس کارروائی کے نتیجے میں اسٹیڈیم کے 240 سے زائد سی سی ٹی وی کیمرے متاثر ہوئے جبکہ نیٹ ورک ویڈیو ریکارڈر اور فائبر آپٹک لائنز کو بھی نقصان پہنچایا گیا، جس سے سیکیورٹی سسٹم کا بڑا حصہ عارضی طور پر غیر فعال ہو گیا۔
مزیدپڑھیں:پی ایس ایل: کوالیفائر کیلیے ٹکٹ خریدنے کی کوشش کرنے والے رل گئے
گرفتار ہونے والوں کی شناخت 37 سالہ منجوناتھ اور 19 سالہ عبد الکلام کے طور پر ہوئی، دونوں ڈیجیٹل سلوشنز کیلیے سیکیورٹی سسٹمز کا انتظام کرنے والے ایک سب کنٹریکٹر کے تحت کام کر رہے تھے۔
تحقیقات کے مطابق دونوں ملزمان نے ایک غیر فعال ایکسیس کارڈ استعمال کرتے ہوئے کنٹرول روم میں غیر قانونی طور پر داخلہ حاصل کیا اور اہم آلات کو نقصان پہنچایا۔
A major security scare unfolded at Bengaluru’s M Chinnaswamy Stadium during the IPL 2026 clash between Royal Challengers Bengaluru and Gujarat Titans, after nearly 240 CCTV camera feeds were allegedly disabled. The breach raised immediate concerns around surveillance at one of… pic.twitter.com/54Uuu6Vvk2
— IndiaToday (@IndiaToday) April 27, 2026
ابتدائی معلومات کے مطابق اس واقعے کی وجہ تقریباً 10 لاکھ روپے کی ادائیگی سے متعلق تنازع بتائی جارہی ہے۔
حکام نے فوری کارروائی کرتے ہوئے بیک اپ سسٹمز بحال کر دیے جس کے باعث میچ بغیر کسی رکاوٹ کے مکمل ہو سکا۔
پولیس نے مقدمہ درج کر کے مزید تحقیقات شروع کر دی ہیں تاکہ نقصان کی مکمل تفصیل اور ذمہ داری واضح کی جا سکے۔
