Pakistan Tehreek-e-Insaf کے اندر اختلافات کھل کر سامنے آنے لگے ہیں، جہاں پارٹی کے دو سینئر رہنماؤں کے درمیان تلخ جملوں کے تبادلے کی اطلاعات سامنے آئی ہیں۔

ذرائع کے مطابق سیکرٹری جنرل Salman Akram Raja اور ایڈیشنل سیکرٹری جنرل Firdous Shamim Naqvi کے درمیان گزشتہ رات کور کمیٹی کے ایک گروپ میں تنظیمی امور پر شدید بحث ہوئی، جو بڑھتے بڑھتے تلخ کلامی تک جا پہنچی۔

اطلاعات کے مطابق معاملہ اس قدر بگڑ گیا کہ دونوں رہنماؤں کے درمیان سخت جملوں کا تبادلہ ہوا، اور مبینہ طور پر نازیبا الفاظ بھی استعمال کیے گئے۔ اس کشیدہ صورتحال کے بعد سلمان اکرم راجہ نے کور کمیٹی کا گروپ چھوڑ دیا۔

عالمی مارکیٹ میں تیل کی قیمتوں میں بڑی کمیمزید پڑھیں؛

پارٹی ذرائع کا کہنا ہے کہ یہ تنازعہ تنظیمی معاملات اور پارٹی ڈھانچے سے متعلق اختلافات کے باعث پیدا ہوا۔ اس واقعے کے بعد پارٹی کے اندر مزید تناؤ کی فضا پیدا ہو گئی ہے۔

تاہم تاحال پارٹی قیادت کی جانب سے اس معاملے پر کوئی باضابطہ ردعمل سامنے نہیں آیا۔