آئی ایم ایف(IMF) ایگزیکٹو بورڈ کا اہم اجلاس آج واشنگٹن میں ہوگا جس میں پاکستان کے لیے 1.2 ارب ڈالر قرض قسط کی منظوری دی جائے گی۔
وزارت خزانہ کے مطابق آج آئی ایم ایف ایگزیکٹو بورڈ اجلاس میں پاکستان کے کیس کا جائزہ لیا جائے گا، 1.2 ارب ڈالر کی قرض قسط ای ایف ایف اور آر ایس ایف پروگرامز کے تحت پاکستان کو ملے گی۔

بتایا گیا ہے کہ تیسری جائزہ رپورٹ کامیاب ہونے کی صورت میں پاکستان کو 1 ارب ڈالر ملیں گےجبکہ آر ایس ایف کے دوسرے جائزہ کے بعد 210 ملین ڈالر اضافی ملیں گے۔

مزیدپڑھیں:رجب بٹ نے سلمان خان سے موازنے کی باتوں پر خاموشی توڑ دی

پاکستان اور آئی ایم ایف کے درمیان 27 مارچ کو اسٹاف لیول معاہدہ طے پایا تھا، پاکستان نے آئی ایم ایف کی بیشتر شرائط پر عملدرآمد مکمل کیا ہے، ایگزیکٹو بورڈ سٹاف لیول معاہدے کی روشنی میں قرض منظوری دے گا۔

وزیر خزانہ محمد اورنگزیب کے مطابق پاکستان نے سٹاف لیول معاہدہ کامیابی سے مکمل کیا ہے، پاکستان کی جانب سے تمام پیشگی اقدامات مکمل، قرض منظوری ہو گی۔