لاہور(نیوز ڈیسک )انٹرنیشنل بلیئرڈز اینڈ اسنوکر فیڈریشن (آئی بی ایس ایف) ورلڈ اسنوکر چیمپئن شپ جیتنے پر موجودہ اور سابق قومی کرکٹرز نے نوجوان کیویسٹ احسن رمضان کیلئے سوشل میڈیا پر پیغامات جاری کیے۔
ٹیسٹ کرکٹر حسن علی نے 16 سالہ احسن کو مبارک دیتے ہوئے کہا کہ’مجھے آپ پر فخر ہے، آپ پاکستان کا سر یونہی فخر سے بلند کرتے رہیں’۔
اس کے علاوہ پاکستان کرکٹ ٹیم کے جارح مزاج بیٹر فخر زمان نے بھی نوجوان کوئسٹ کو ورلڈ اسنوکر چیمپئن شپ جیتنے پر مبارک باد دی۔
دوسری جانب پاکستان کرکٹ ٹیم کے سابق کپتان محمد حفیظ نے احسن رمضان کو مبارکباد دیتے ہوئے کہا کہ’ آپ نے پوری قوم کا سر فخر سے بلند کردیا ہے’۔
اس کے علاوہ قومی کرکٹ ٹیم کے سابق اسپنر سعید اجمل اور سابق فاسٹ بولر عمر گل نے بھی نوجوان کیوئسٹ کو ورلڈ اسنوکر چیمپئن شپ جیتنے پر مبارک باد دی اور کہا کہ’ آپ نے ملک کا سر فخر سے بلند کر دیا’۔
واضح رہے کہ گزشتہ روز پاکستان کے 16 سالہ احسن رمضان نے دوحا میں ہونے والی عالمی ایمچر اسنوکر چیمپئن اپنے نام کی تھی،فائنل میں انہوں نے ایران کے ٹاپ سیڈ عامر سرکوش کو شکست دی تھی۔
Congratulations Ahsan Ramzan proud of you champ 🏆 keep making your country 🇵🇰 proud 👍🏼 https://t.co/lBlvLooMB3
— Hassan Ali 🇵🇰 (@RealHa55an) March 11, 2022
Congratulations to Ahsan Ramzan on winning World Snooker Championship at the age of 16. Long way to go Champion. #proudofyouAhsan pic.twitter.com/rveSSlfdLB
— Fakhar Zaman (@FakharZamanLive) March 11, 2022
