تہران ،ایران کی پارلیمانی قومی سلامتی اور خارجہ پالیسی کمیشن کے ترجمان ابراہیم رضائی (ibrahim razai)نے امریکا کو نئے حملے سے متعلق دھمکی دے دی۔

ایک بیان میں ابراہیم رضائی نے کہا کہ امریکا نے نیا حملہ کیا تو ایران کے ممکنہ آپشنز میں سے ایک یورینیم کی افزودگی 90 فیصد تک لے جانا بھی ہوسکتا ہے، اس ممکنہ آپشن کا پارلیمان میں جائزہ لیں گے۔

ماہرین کے مطابق 90 فیصد افزودگی کا مطلب ایٹم بم تیار کرنے کی صلاحیت کے قریب ہونا ہے۔

مزید پڑھیں:اونچی دکان پھیکا پکوان، کیمبرج ایجوکیشن کا اے ایس لیول ریاضی کا دوسرا پرچہ بھی پیر کو آئوٹ

ایرانی پارلیمنٹ کے اسپیکر باقر قالیباف نے کہا کہ امریکا کے پاس ایرانی تجاویز قبول کرنے کے سوا کوئی متبادل نہیں، جتنی زیادہ تاخیر ہوگی امریکی ٹیکس دہندگان کو اتنی ہی زیادہ قیمت چکانا پڑے گی۔