ڈھاکہ کی خارجہ پالیسی میں اہم تبدیلی کے تحت بنگلہ دیش(Bangladesh) نے اپنی سول سروس کے اعلیٰ افسران کی تربیت کا پروگرام بھارت سے پاکستان منتقل کر دیا ہے۔

اس فیصلے کے نتیجے میں پہلی بار بنگلہ دیشی افسران لاہور کی سول سروسز اکیڈمی میں تربیت حاصل کر رہے ہیں، جو دو طرفہ تعلقات میں نئے باب کا آغاز سمجھا جا رہا ہے۔

لاہور میں پہلی بار بنگلہ دیشی افسران کی تربیت
رپورٹس کے مطابق بنگلہ دیش کی سول سروس کے 12 سینئر بیوروکریٹس پہلی بار پاکستان میں تربیت حاصل کر رہے ہیں۔ یہ قدم دونوں ممالک کے درمیان پیشہ ورانہ اور انتظامی تعاون کو فروغ دینے کی جانب اشارہ ہے۔

بھارت کے ساتھ پرانا تربیتی نظام عارضی معطل
اس فیصلے کے ساتھ ہی بھارت کے ساتھ جاری تربیتی پروگرام عارضی طور پر معطل کر دیا گیا ہے۔ اس سے ظاہر ہوتا ہے کہ ڈھاکہ نے اپنی خارجہ پالیسی میں بھارت پر انحصار کم کرنے کا فیصلہ کیا ہے اور اسلام آباد کے ساتھ تعلقات کو ترجیح دی ہے۔

مزیدپڑھیں:اسپیس ایکس ایک ملین انسان مریخ پر بسنے پر بونس دے گی

دفاعی و اقتصادی تعاون میں اضافہ
پاکستان اور بنگلہ دیش کے تعلقات میں یہ تبدیلی صرف تربیتی سطح تک محدود نہیں، بلکہ دونوں ممالک کے درمیان دفاعی اور اقتصادی تعاون میں بھی اضافہ متوقع ہے۔ ماہرین کا کہنا ہے کہ یہ اقدام خطے میں توازن اور باہمی اعتماد بڑھانے میں مددگار ثابت ہو سکتا ہے۔

شیخ حسینہ حکومت کے بعد خارجہ پالیسی میں وسیع تبدیلی
تربیتی پروگرام کی منتقلی 2024 میں شیخ حسینہ حکومت کے خاتمے کے بعد ڈھاکہ کی خارجہ پالیسی میں وسیع تبدیلی کا حصہ ہے۔ اس اقدام کے ذریعے بنگلہ دیش نے واضح پیغام دیا ہے کہ وہ علاقائی تعلقات میں لچک اور متوازن رویہ اختیار کر رہا ہے۔