Vaibhav Suryavanshi نے انڈین پریمیئر لیگ (IPL) 2026 میں اپنی شاندار کارکردگی سے نہ صرف کرکٹ شائقین کو متاثر کیا بلکہ مالی کامیابی کے نئے ریکارڈ بھی قائم کر دیے۔
صرف 15 سال کی عمر میں راجستھان رائلز کے اس نوجوان اوپنر نے پورے ٹورنامنٹ میں دھواں دار بیٹنگ کرتے ہوئے سب سے زیادہ 776 رنز اسکور کیے اور اورنج کیپ اپنے نام کی۔
ویبھوو سوریاونشی نے پورے سیزن میں 72 چھکے جڑ کر مخالف باؤلرز کو سخت پریشانی میں مبتلا رکھا۔ ان کی جارحانہ اور مسلسل شاندار کارکردگی کے باعث انہیں آئی پی ایل 2026 کے اختتام پر متعدد اہم اعزازات اور لاکھوں روپے کے انعامات سے نوازا گیا۔
اختتامی تقریب میں نوجوان بیٹر کو سیزن کا سب سے بڑا انفرادی اعزاز “موسٹ ویلیو ایبل پلیئر” (MVP) دیا گیا، جس کے ساتھ 15 لاکھ بھارتی روپے کی نقد رقم بھی شامل تھی۔ اسی طرح سب سے زیادہ رنز بنانے پر انہیں اورنج کیپ ایوارڈ دیا گیا جس کے ساتھ 10 لاکھ روپے کا انعام بھی ملا۔
مزیدپڑھیں:عالمی مارکیٹ میں خام تیل کی قیمتوں میں اضافہ
ویبھوو سوریاونشی کی جارحانہ بیٹنگ نے انہیں “سپر اسٹرائیکر آف دی سیزن” کا اعزاز بھی دلوایا۔ اس ایوارڈ کے تحت انہیں 10 لاکھ بھارتی روپے نقد اور ایک نئی ٹاٹا سیرا گاڑی بطور انعام دی گئی۔ یہ اعزاز ان کے بلند اسٹرائیک ریٹ اور میچ وننگ اننگز کا اعتراف سمجھا جا رہا ہے۔
مزید برآں پورے سیزن میں 72 چھکے لگانے پر انہیں “سپر سکسز آف دی سیزن” ایوارڈ دیا گیا جس کے ساتھ مزید 10 لاکھ روپے کی رقم شامل تھی۔ نوجوان کھلاڑی کی غیر معمولی صلاحیتوں کے اعتراف میں انہیں “ایمرجنگ پلیئر آف دی سیزن” کا اعزاز بھی دیا گیا، جس کے ساتھ 10 لاکھ روپے کی اضافی انعامی رقم دی گئی۔
کرکٹ ماہرین کے مطابق اتنی کم عمر میں آئی پی ایل جیسے بڑے اور مسابقتی ٹورنامنٹ میں سب سے زیادہ رنز بنانا ایک غیر معمولی کامیابی ہے۔ ان کا کہنا ہے کہ ویبھوو سوریاونشی مستقبل میں بھارتی کرکٹ کے اہم ترین ستاروں میں شمار ہو سکتے ہیں۔
رپورٹس کے مطابق مختلف نقد انعامات، اسپانسرشپ بونس اور دیگر مراعات کو ملا کر ویبھوو سوریاونشی کی مجموعی آمدن 2.50 کروڑ بھارتی روپے سے تجاوز کر گئی ہے، جو ان کے پہلے بڑے آئی پی ایل سیزن کو یادگار بنا دیتی ہے۔
