وزیراعلیٰ پنجاب مریم نواز کی صحت میں نمایاں بہتری آنے کے بعد امکان ظاہر کیا جا رہا ہے کہ وہ پیر سے دوبارہ اپنی سرکاری ذمہ داریاں سنبھال لیں گی۔

ذرائع کے مطابق وزیراعلیٰ پنجاب کی طبیعت اب کافی بہتر ہے اور معالجین نے انہیں معمول کی سرکاری سرگرمیوں میں حصہ لینے کی اجازت دے دی ہے۔ ذرائع کا کہنا ہے کہ مریم نواز پیر سے باضابطہ طور پر اپنے دفتری امور اور حکومتی مصروفیات دوبارہ شروع کریں گی۔

ایم نیوز کے سینیئر تجزیہ کار طارق محمود سمیر کی رپورٹ کے مطابق چند ہفتے قبل وزیراعلیٰ پنجاب کی ایک سرجری ہوئی تھی، جس کے بعد ڈاکٹروں نے انہیں مکمل آرام کا مشورہ دیا تھا۔ تاہم اس دوران بھی انہوں نے بعض اہم سرکاری اجلاسوں کی آن لائن صدارت کی اور حکومتی امور پر مسلسل نظر رکھی۔

دوسری جانب پاکستان مسلم لیگ (ن) کے صدر اور سابق وزیراعظم Nawaz Sharif نے سعودی عرب میں عمرہ ادا کر لیا ہے اور ذرائع کے مطابق وہ پیر کو لاہور واپس پہنچ جائیں گے۔

مزیدپڑھیں:آبنائے ہرمز میں احکامات کی خلاف ورزی برداشت نہیں ہوگی:امریکا کا بھارت کو انتباہ

ذرائع کا کہنا ہے کہ لاہور واپسی کے بعد وزیراعلیٰ پنجاب Maryam Nawaz کی نواز شریف سے اہم ملاقات متوقع ہے، جس میں پنجاب حکومت کے معاملات اور سیاسی صورتحال پر تبادلہ خیال کیا جائے گا۔

اس کے علاوہ وزیراعظم Shehbaz Sharif کی بھی نواز شریف سے ملاقات متوقع ہے، جس میں ملکی سیاسی اور معاشی امور سمیت اہم قومی معاملات زیر غور آنے کا امکان ہے۔