پاکستان کرکٹ ٹیم آئی سی سی مینز کرکٹ ورلڈ کپ 2027 کی تیاریوں کے سلسلے میں مئی 2027 میں انگلینڈ کا دورہ کرے گی، جہاں دونوں ٹیموں کے درمیان پانچ ایک روزہ بین الاقوامی (ون ڈے) میچوں پر مشتمل سیریز کھیلی جائے گی۔ یہ سیریز دونوں ٹیموں کے لیے عالمی کپ سے قبل اپنی تیاریوں کو حتمی شکل دینے کا اہم موقع ہوگی۔

شیڈول کے مطابق سیریز کا آغاز 15 مئی 2027 کوساؤتھمپٹن میں کھیلے جانے والے پہلے ون ڈے سے ہوگا۔ دوسرا میچ 19 مئی کومانچسٹر میں منعقد ہوگا، جبکہ تیسرا مقابلہ 21 مئی کولیڈزمیں کھیلا جائے گا۔

سیریز کا چوتھا ون ڈے23 مئی کوچیسٹر لی اسٹریٹ میں ہوگا، جبکہ پانچواں اور آخری میچ26 مئی کو کارڈف میں کھیلا جائے گا۔ کرکٹ شائقین کو توقع ہے کہ دونوں مضبوط ٹیموں کے درمیان یہ سیریز دلچسپ اور سنسنی خیز مقابلوں پر مشتمل ہوگی۔

یہ سیریز4 اکتوبر سے 21 نومبر 2027 تک جنوبی افریقہ، زمبابوے اور نمیبیا میں ہونے والے آئی سی سی مینز کرکٹ ورلڈ کپ 2027 سے قبل دونوں ٹیموں کے لیے اہم آزمائش ثابت ہوگی، جہاں کھلاڑی مختلف کنڈیشنز میں اپنی تیاریوں کا جائزہ لے سکیں گے۔

موجودہآئی سی سی ون ڈے ٹیم رینکنگ میں پاکستان پانچویں جبکہ انگلینڈ ساتویں نمبر پر موجود ہے، جس کے باعث دونوں ٹیموں کے درمیان مقابلوں کی اہمیت مزید بڑھ گئی ہے۔

واضح رہے کہ پاکستان نے آخری مرتبہ 2021 میں تین ون ڈے میچوں کی سیریز کے لیے انگلینڈ کا دورہ کیا تھا۔ تقریباً چھ برس بعد دونوں ٹیمیں دوبارہ انگلش سرزمین پر ایک مکمل پانچ میچوں کی ون ڈے سیریز میں مدمقابل ہوں گی، جس کا کرکٹ شائقین بے صبری سے انتظار کر رہے ہیں۔