ڈوپنگ ایشو پر قومی ریسلر انعام بٹ(Muhammad Inam Butt) کو بڑا ریلف مل گیا۔ دو ماہ کی پابندی کا دورانیہ مکمل ہونے کے بعد ایشین گیمز میں شرکت کی اجازت مل گئی۔

ذرائع کے مطابق انعام بٹ سے ایشین بیچ گیمز کا سلور میڈل بھی واپس لے لیا گیا۔

قومی ریسلر کو انٹرنیشنل ٹیسٹنگ ایجنسی اور ورلڈ ریسلنگ نے پابندی کے فیصلے سے آگاہ کردیا۔

دستاویزات کے مطانق انعام بٹ پر عائد پابندی کا اطلاق 19 جولائی سے 18 ستمبر تک تھا۔ پابندی کا دورانیہ مکمل ہونے پر انعام بٹ اب ریسلنگ کی سرگرمیوں میں شرکت کے اہل ہیں۔

مزیدپڑھیں:پی ٹی آئی لانگ مارچ؛ 27 ستمبر کو پتا چلے گا ریاست اپنی رِٹ کیسے قائم کرتی ہے، طلال چوہدری

انعام بٹ کو ایشین گیمز میں بھی پاکستان کی نمائندگی کی اجازت مل گئی۔ وہ سیکرٹری ریسلنگ فیڈریشن اور پاکستان ایتھلیٹس کمیشن کے سربراہ کی ذمہ داریاں نبھا سکیں گے۔

ان عہدوں سے انعام بٹ نے اس ایشو کی وجہ سے رضا کارانہ طور پر علیحدگی اختیار کی تھی۔

انٹرنیشنل ٹیسٹنگ ایجنسی نے ان کے موقف کو تسلیم کرتے ہوئے ایک سال تک دوائی استعمال کرنے کی اجازت دے رکھی ہے۔