اسلام آباد: (مانیٹرنگ ڈیسک) ملک بھر میں بجلی کا شارٹ فال 4 ہزار989 میگاواٹ تک جاپہنچا ہے۔
پاور ڈویژن کے ذرائع کے مطابق ملک بھر میں بجلی کی مجموعی پیداوار 22 ہزار 511 میگاواٹ ہے جبکہ بجلی کی کل طلب 27 ہزار 500 میگاواٹ ہے۔
پاور ڈویژن کے مطابق پانی سے 7 ہزار 550 میگاواٹ بجلی پیدا کی جارہی ہے، سرکاری تھرمل پلانٹس سے 975 میگاواٹ بجلی پیدا کررہے ہیں۔
ذرائع کا کہنا ہے کہ نجی شعبے کے بجلی گھروں کی مجموعی پیداوار 9 ہزار 500 میگا واٹ ہے جبکہ ونڈ پاور پلانٹس ایک ہزار 11 میگا واٹ اور سولر پلانٹس سے پیداوار 99 ہے۔
ذرائع کا مزید کہنا ہے کہ بیگاس پاور پلانٹس سے 75 میگاواٹ بجلی پیدا ہو رہی ہے، شہری علاقوں میں 3 سے 5 گھنٹے کی غیراعلانیہ لوڈ شیڈنگ جاری ہے جبکہ دیہی علاقوں میں 6 سے 8 گھنٹے تک کی غیراعلانیہ لوڈ شیڈنگ جاری ہے۔
