پاک بحریہ(Pak Navy) کی آبدوز ہنگور نے شمالی بحیرہ عرب میں پہلی لائیو ویپن فائرنگ کامیابی سے مکمل کرلی۔
آئی ایس پی آر کے مطابق پی این ایس/ایم ہنگور نے طویل فاصلے تک مار کرنے والا اینٹی شپ کروز میزائل کامیابی سے فائر کیا، میزائل نے مقررہ ہدف کو انتہائی درستگی سے نشانہ بنایا۔
آئی ایس پی آر کے مطابق سربراہ پاک بحریہ ایڈمرل نوید اشرف نے لائیو ویپن فائرنگ کا مشاہدہ کیا، کامیاب فائرنگ سے ہنگور کے ویپن سسٹمز اور جنگی تیاری کی توثیق ہوئی۔
پاک بحریہ کی نئی شامل آبدوز ہنگور کی پہلی لائیو ویپن فائرنگ کامیابی سے مکمل!
آئی ایس پی آر کے مطابق پاک بحریہ کی نئی شامل کی گئی آبدوز پی این ایس/ایم ہنگور کی پہلی لائیو ویپن فائرنگ کامیابی سے مکمل کر لی گئی۔
پی این ایس/ایم ہنگور نے شمالی بحیرہ عرب میں اینٹی شپ کروز میزائل… pic.twitter.com/p2rwzGvAjV
— PTV News (@PTVNewsOfficial) September 27, 2026
آئی ایس پی آر کے مطابق ہنگور کی کامیاب فائرنگ پاک بحریہ کی زیرِ آب جنگی صلاحیتوں میں اہم سنگِ میل ہے۔
مزیدپڑھیں:ڈکی بھائی اور عروب جتوئی نے ایک دن میں ایک کروڑ خرچ کر دیے، سوشل میڈیا پر شدید تنقید
نیول چیف نے پی این ایس/ایم ہنگور کی جنگی صلاحیت اور عملے کی پیشہ ورانہ مہارت کو سراہا۔
نیول چیف کا کہنا ہے کہ زیرِ آب جنگی صلاحیتوں میں مسلسل اضافہ آپریشنل تیاری اور قابلِ اعتماد دفاعی صلاحیت کے لیے ناگزیر ہے، پاک بحریہ پاکستان کی بحری سرحدوں کے دفاع اور خطے میں امن و استحکام کے لیے پُرعزم ہے۔
