ایران کے سپریم لیڈر آیت اللہ مجتبیٰ خامنہ ای(mujtaba khamenei) نے کہا ہے کہ امریکا اور اسرائیل کی جانب سے ایران کو پسماندگی میں دھکیلنے کی کوشش ناکام ہوگئی اور وہ وقت زیادہ دور نہیں جب بحیرہ عرب بھی دشمن سے پاک ہوجائے گا۔

آیت اللہ مجتبیٰ خامنہ ای نے یہ بات ڈیفنس ویک اور حزب اللہ کے شہید سربراہ سید حسن نصراللہ کی دوسری برسی کے موقع پر جاری بیان میں کہی۔

ایرانی میڈیا کے مطابق سپریم لیڈر مجتبیٰ خامنہ ای نے کہا کہ بعض لوگ اب ایران کو چوتھی سپر پاور کہتےہیں تاہم اللہ نے چاہا تو یہ سب سے بڑی طاقت ہوگا۔

ان کا کہنا تھا کہ ماضی میں دشمن نے جنوبی ایران کےدونوں جانب سمندر کوکھیل کا میدان بنایا ہوا تھا مگر ہرمز کا دفاع کرنیوالوں کی وجہ سے اب وہ بحیرہ عرب سے آگے بڑھنے کی جرات نہیں کرتے۔

مزیدپڑھیں:روسی صدر پیوٹن نے یوکرین سے جاری جنگ کے دوران فوج کی تعداد میں اضافہ کر دیا

مجتبیٰ خامنہ ای کا کہنا تھاکہ ایران اس دور میں کبھی نہیں لوٹے گا جو دشمن دیکھنا چاہتا ہے۔ امریکا اور اسرائیل کی جانب سے ایران کو پسماندگی میں دھکیلنے کی کوشش ناکام ہوگئی اور وہ وقت زیادہ دور نہیں جب بحیرہ عرب بھی دشمن سے پاک ہوجائے گا۔

ایرانی سپریم لیڈر مجتبیٰ خامنہ ای نے سید حسن نصراللہ کو ہیروعرب کمانڈر اور مزاحمتی محاذ کی عظیم علامت قراردیا۔