خیبر پختونخوا(KpK) میں گورنر راج یا ایمرجنسی کے نفاذ کے لیے وزیراعظم ہاؤس(Prime Minister House) میں آج اعلیٰ سطح کا اجلاس ہوگا جس میں کے پی گورنر راج کے نفاذ پر سنجیدگی سے غور کیا جائے گا۔

ذرائع کا بتانا ہے کہ وزیراعظم ہاؤس میں اعلیٰ سطح کا اجلاس دوپہر دو بجے کے بعد کسی بھی وقت ہو سکتا ہے جس میں وفاقی وزراء اور اہم ذمہ داران شرکت کریں گے، اجلاس میں خیبر پختونخوا سمیت ملک بھر میں امن و امان کی مجموعی صورتحال کا جائزہ لیا جائے گا۔

ذرائع کے مطابق اجلاس میں خیبر پختونخوا میں سکیورٹی صورتحال اور صوبائی حکومت کی ناکامی سے متعلق فیصلے کیے جائیں گے، کے پی کی صورتحال پر آرٹیکل 233 اور 234 کی روشنی میں پختونخوا میں گورنر راج اور ایمرجنسی کے نفاذ پر بھی مشاورت کی جائے گی۔

وفاقی وزرا کا کہنا ہے کہ کے پی کی صوبائی حکومت سیاسی عزائم کو آگے بڑھا رہی ہے اور ٹی ٹی پی کے خطرے کے خلاف اداروں کو فراہم نہیں کر رہی۔

مزیدپڑھیں:آن لائن رائیڈ پر تلخی؛ رکشہ ڈرائیور نے خاتون کا نمبر رشتہ ایپ پر ڈال دیا

دوسری جانب وزیراعلیٰ ہاؤس نے وفاقی وزراء کے الزامات کو مسترد کرتے ہوئے کہا ہے کہ وفاقی حکومت چاہے کچھ بھی کرلے لانگ مارچ ہر صورت ہوگا۔

خیال رہے کہ گزشتہ روزپی ٹی آئی رہنما شوکت یوسفزئی نے بھی پارٹی چیئرمین بیرسٹر گوہر کو خط لکھ کر لانگ مارچ ملتوی کرنے کی درخواست کی تھی۔