اسلام آباد(مانیٹرنگ ڈیسک) پاکستان تحریک انصاف (پی ٹی آئی) کے چیئرمین عمران خان نے ہدایت دی ہے کہ پنجاب اور کے پی حکومتیں سیلاب متاثرین کو فوری ریلیف فراہم کریں۔
سابق وزیراعظم عمران خان اور وزیر اعلیٰ محمود خان سیلاب متاثرہ علاقوں کا دورہ کر رہے ہیں، وزیراعلیٰ خیبرپختونخوا نے سیلاب سے متاثرہ علاقوں کے فضائی جائزے کے دوران عمران خان کو بریفنگ دی۔
‘سیلاب متاثرین کی بلا تفریق مدد کی جائے’
Chairman @PTIofficial #ImranKhan on the way to Visit Flood victims. pic.twitter.com/K9DEmCvd2a
— Tehreek-e-Insaf (@InsafPK) August 26, 2022
اس موقع پرعمران خان نے گفتگو کرتے ہوئے کہا کہ وزیر اعلیٰ محمود خان پہلے ہی متعدد اضلاع کو آفت زدہ قرار دے چکے ہیں، بارشوں نے ملک بھر میں بڑے پیمانے پر نقصانات ہوئے ہیں، حالیہ سیلاب سے ہونے والے نقصانات پر دل خون کے آنسوں رو رہا ہے۔
عمران خان نے ہدایت دی ہے کہ پنجاب اور کے پی حکومتیں متاثرین کو فوری ریلیف فراہم کریں اور متاثرین کی بلا تفریق مدد کی جائے۔
‘مشکل کی اس گھڑی میں عوام کو تنہا نہیں چھوڑوں گا’
سابق وزیراعظم عمران خان نے مزید کہا کہ مشکل کی گھڑی میں متاثرین کے دکھ درد میں شریک ہوں، مشکل کی اس گھڑی میں عوام کو تنہا نہیں چھوڑوں گا۔
CM KP @IMMahmoodKhan briefs Chairman @ImranKhanPTI as they set off to visit flood effected areas and victims. #FloodsInPakistan pic.twitter.com/IhmbHnuKjI
— Dr. Iftikhar Durrani (@IftikharDurani) August 26, 2022
دوسری جانب وزیر اعلیٰ خیبر پختونخوا محمود خان نے کہا کہ مشکل کی اس گھڑی میں متاثرین کے ساتھ ہیں، ملک بھر میں ہونے والے جانی و مالی نقصانات پر افسوس ہے، متاثرین کی ہر ممکن مدد کی جائے گی۔
