تفتان (ممتاز نیوز)برادر اسلامی ملک ترکیہ کی جانب سے پاکستان کے سیلاب متاثرین کے لیے امداد کا سلسلہ جاری ہے ۔
ٹرین کے ذریعے 17 بوگیوں پر مشتمل مزید 380 ٹن امدادی سامان پاک ایران کے سرحدی شہر تفتان پہنچی ہے ۔
تفتان بارڈر پر امدادی سامان کو پاکستان کے ہلال احمر کے حوالے کیا گیا ۔
امدادی سامان میں خیمے ،کمبل ، تولیہ اور دیگر شامل ہیں ۔
واضح رہے کہ دوست ملک ترکیہ کی جانب سے یہ تیسرا امدادی کھیپ ہے جو پاک ایران کے سرحدی شہر تفتان پہنچی ہے ۔
امدادی سامان کو تفتان سے دالبندین روانہ کیا جائے گا جہاں سے انھیں بذریعہ سڑک کوئٹہ بھیجا جائے گا ۔
کوئٹہ میں ترکیہ کے ہلال احمر کی ٹیم پہلے ہی موجود ہے جو ان امدادی سامان کو متاثرین میں تقسیم کر دیں گے۔