شین یانگ (شِنہوا) چین کے شمال مشرقی شہر شین یانگ نے اپنے دوست شہر کراچی کو سیلاب سے بحالی میں مدد کے لئے سات لاکھ یوآن ( تقریباً 2 کروڑ 22 لاکھ 66 ہزار 613 روپے) مالیت کا سامان عطیہ کیا ہے۔امدادی سامان میں شین یانگ ریڈ کراس کے عطیہ کردہ ایک کروڑ 27 لاکھ 23 ہزار 779 روپے مالیت کے خیمے اور پان پان فوڈز کی جا نب سے فراہم کردہ 95 لاکھ 42 ہزار 834 روپے سے زائد مالیت کا کھانے پینے کا سامان ہے۔یہ سامان چین میں پاکستانی سفارت خانے کے توسط سے کراچی پہنچے گا۔