اسلام آباد (نیوز ڈیسک) حکومت نے موجودہ قومی اسمبلی کے آخری پارلیمانی سال کے آغاز کے لیے پارلیمنٹ کا مشترکہ اجلاس 6اکتوبر (جمعرات) کو طلب کرنے کا فیصلہ کیا ہے۔ پی ٹی آئی چیئرمین عمران خان کو آئین کے آرٹیکل 6 کے تحت بک کرنے کے فیصلے پر قومی اسمبلی کے اجلاس یا بیٹھک میں بھی بحث ہو سکتی ہے جو اگلے پیر (10 اکتوبر) کو شروع ہوگا۔ آڈیو لیکس کا سوال سیشن کے آغاز میں زیر بحث آنے والا سب سے گرم موضوع ہوگا۔ اس کے ساتھ ہی اس ہفتے کے آخر میں مصروف پارلیمانی سرگرمیاں شروع ہو جائیں گی۔ مشترکہ اجلاس سے صدارتی خطاب جمعرات کو کیا جائے گا جیسا کہ وفاقی وزارت پارلیمانی امور کو صدارتی خطاب پر کام کرنے کا کہا گیا ہے جو بظاہر صدر عارف علوی کی جانب سے دیا جائے گا۔ پارلیمنٹ کے دونوں ایوانوں کا مشترکہ اجلاس طلب کرنے کا نوٹیفکیشن پیر تک جاری کر دیا جائے گا۔ سیلاب کی صورتحال پر تفصیلی بحث کی جائے گی جہاں متعلقہ حکومتوں اور کچھ لیڈروں کے کردار کی جانچ پڑتال کی جائے گی۔ اعلیٰ پارلیمانی ذرائع نے دی نیوز کو بتایا کہ خطاب کے بارے میں ایوان صدر سے ابھی تک مشاورت نہیں کی گئی۔