چمن (نیوز ڈیسک )پاک ایران سرحدی شہر تفتان پر ایرانی حکام نے امیگریشن گیٹ مکمل بند کردیا ۔ سیستان بلوچستان میں لا اینڈ آرڈر کی حالیہ صورتحال کے تناظر میں ایرانی بارڈر اتھارٹی نے امیگریشن گیٹ کو تجارتی اور ہر طرح کی آمددورفت کیلئے بند کیا ہے ۔ پاک ایران بارڈر سے نزیک شہر زاہدان میں جمعہ کو پیش آنے والے فائرنگ کے واقعہ کے بعد صورتحال کشیدہ ہے ۔ سرکاری سطح پر ایران کی طرف سے پاکستانی سرحدی حکام کو امیگریشن گیٹ بند کرنے کے حوالے سے کوئی قانونی مراسلہ نہیں دیا گیا ۔ ٹرانزٹ ٹریڈ تفتان بارڈر پر بند ہے ۔ ایرانی تجارتی ٹریلرز بھی بڑی تعداد میں پاکستانی حدود میں موجود ہیں ۔ پاکستان سے ایران عراق مقامات مقدسہ جانے والے زائرین بھی بارڈک کھلنے کے منتظر ہیں ۔