اسلام آباد(شوبز ڈیسک) اداکارہ اُشنا شاہ نے اپنے ساتھ کام کرنے والوں کو بھائی کہنے کی وجہ بتائی ہے۔
ٹوئٹر پر اپنے خیالات کا اظہار کرتے ہوئے اداکارہ نے لکھا ‘بہت سے لوگ پوچھتے ہیں کہ بھائی کیوں کہتی ہو، پیشہ ورانہ ماحول میں ہمیں بھائی کہنے کا شوق نہیں بلکہ ضرورت ہوتی ہے’۔
اشنا نے اپنی ٹوئٹ میں کہا ‘اگر بھائی نا کہیں تو بہت سے حضرات کا دماغ خراب ہوجاتا ہے’۔
“Yaar bhai kyu kehti ho”. Professional environment mein humein bhai kehnay ka shauk nahi, zaroorat hei. Agar bhai na kaheiN toh kaafi hazraat ka deemagh kharab ho jaata hei. Ap larki/aurat ko as a platotic friend ya colleague treat karein toh bhai bananay ki zaroorat nahi hogi.
— Ushna Shah (@ushnashah) November 15, 2022
انہوں نے مرد حضرات کے لیے لکھا ‘اگر آپ لڑکی یا عورت کو کولیگ یا پیشہ ورانہ دوست کی حیثیت سے لیں تو بھائی بنانے کی ضرورت نہیں ہوگی’۔
خیال رہے کہ اُشنا شاہ ہمیشہ ہی سوشل میڈیا پر اپنے خیالات کا اظہار کافی بے باکی سے کرتی آئی ہیں۔
کچھ روز قبل انہوں نے شوبز انڈسٹری کے رازوں سے پردہ اُٹھاتے ہوئے بتایا تھا کہ شوبز انڈسٹری میں زیادہ تر لوگ فراڈیے اور بیشتر چیزیں حقیقت کے برعکس ہیں۔
