اسلام آباد(سپورٹس ڈیسک) سابق بھارتی کرکٹر وریندر سہواگ جو گزشتہ دنوں بھارت کے خلاف پاکستان کی شکست پر طعنے کستے رہے ہیں، اب انہوں نے اپنی ہی ٹیم کی کارکردگی پر طنز کیا ہے۔

سہواگ نے ٹوئٹر اکاؤنٹ پر  بنگلادیش کے خلاف بھارتی ٹیم کی کارکردگی پر دلچسپ ٹوئٹ کی۔

Cryptos se bhi tez gir rahi hai apni performance yaar. Need to shake up – wake up.

— Virender Sehwag (@virendersehwag) December 7, 2022

جاری کیے گئے اپنے پیغام میں وریندر سہواگ نے بھارتی ٹیم کے حوالے سے کہا کہ کرپٹو سے بھی تیز گر رہی ہے اپنی کارکردگی یار۔

بنگلادیش کے خلاف مسلسل دوسری شکست پر وریندر سہواگ نے کہا کہ ٹیم کو کارکردگی بہتر کرنے کی ضرورت ہے۔

خیال رہے کہ بھارت اور بنگلادیش کے درمیان دوسرے ون ڈے میچ میں بنگال ٹائیگرز نے نے بھارت کو شکست دے کر 3 میچوں کی سیریز میں دو صفر کی فیصلہ کن برتری حاصل کی۔

بنگلادیش نے دوسرے ایک روزہ میچ میں بھارت کو 5 رنز سے شکست دی تھی۔