ملتان ٹیسٹ کے دوسرے دن پاکستان ٹیم کی بیٹنگ جاری ہے  قومی ٹیم نے پہلے سیشن میں ہی 6 وکٹیں گنوادی ہیں۔

دوسرے روز کپتان بابر اعظم 75 ،  سعود شکیل 63  اور محمد رضوان 10 رنز بنا کر آؤٹ ہوگئے کریز پر اب محمد نواز  اور  آغا سلمان موجود ہیں جبکہ قومی ٹیم 5 وکٹوں کے نقصان پر 51 اوورز  پر 169 رنز بناچکی ہے۔

ملتان ٹیسٹ کے دوسرے روز میچ کا آغاز   پاکستان نے 2 وکٹوں کے نقصان پر 107رنز کے ساتھ کیا ،پہلے سیشن میں کپتان بابر اعظم انگلش بولر اولی رابنسن کی گیند پر 75 رنز پر  بولڈ ہوگئے جس کے بعد سعود شکیل جیک لیچ کی گیند پر جیمس اینڈریسن کو کیچ دے بیٹھے اور 63 رنز کے ساتھ پویلین لوٹ گئے ،محمد رضوان کو بھی جیک لیچ نے  بولڈ کردیا۔

ملتان ٹیسٹ میچ کے پہلے روز انگلینڈ کی پوری ٹیم 281 رنز بناکر آؤٹ ہوگئی تھی انگلینڈ کے خلاف اسپن بولر ابرار احمد نے عمدہ بولنگ کرتے ہوئے انگلینڈ کی 7 جبکہ زاہد محمود نے 3 وکٹیں لی تھیں۔

جس کے بعد پہلے روز  پاکستان ٹیم سے  عبداللہ شفیق اور امام الحق نے اننگز کا آغاز کیا  لیکن 5 رنز پر امام الحق بغیر کوئی رنز بنائے آؤٹ ہوگئے،اس کے بعد  عبداللہ شفیق بھی 14 رنز بنا کر پویلین لوٹ گئے۔