نئی دہلی (مانیٹرنگ ڈیسک)ورلڈکپ کے بعد بنگلادیش سے برُے طریقے سے ہارنے کے بعد بھارتی کرکٹ بورڈ نے ایپکس کونسل کا اجلاس 21 دسمبر کو طلب کر لیا ہے ۔
تفصیلات کے مطابق بھارتی کرکٹ ٹیم کی ٹی 20 ورلڈ کپ اور اس کے بعد مسلسل خراب پرفارمنس کے باعث ایپکس کونسل کا ا جلاس طلب کیا گیا ہے، بھارتی میڈیا رپورٹ کے مطابق اجلاس کیلئے 12 نکاتی ایجنڈہ جاری کیا گیا ہے جس میں ٹیم اور کھلاڑیوں کی کارکردگی کا جائزہ سرفہرست ہے جبکہ روہت شرما کو ٹی ٹوئنٹی کا کپتان برقرار رکھنے کے حوالے سے بھی بات ہو گی، اجلاس میں کرکٹرز کے نئے سینٹرل کنٹریکٹ کے حوالے سے بھی فیصلہ ہوگا ۔
خیال رہے کہ آئی سی سی ٹی ٹوئنٹی ورلڈ کپ کے سیمی فائنل میں انگلینڈ نے بھارت کو 10 وکٹوں سے شکست دی تھی جب کہ اب حال ہی میں بھارت کو بنگلا دیش نے ون ڈے سیریز میں 1-2 سے شکست دی۔
