افغانستان میں طالبان حکومت نے بین الاقوامی اور مقامی فلاحی  تنظیموں میں خواتین کے کام کرنے پر پابندی عائد کردی۔

افغانستان میں وزارت اقتصادی امور کی جانب سے خواتین پر این جی اوز میں کام کرنے پر پابندی عائد کر دی گئی۔

غیر ملکی خبر رساں ایجنسیوں کے مطابق پابندی کا اطلاق افغانستان میں کام کرنے  کرنےو الی 180  بین الاقوامی تنظیموں پر ہو گا تاہم اقوام متحدہ کے زیر نگانی کام  کرنے والی این جی اوز کو استثنیٰ حاصل ہے۔

وزارت اقصادی امور کی جانب سے جاری کیے گئے حکم نامے میں ابتدائی طور پر تمام این جی اوز میں خدمات انجام دینے والی خواتین کو کام سے روک دیا گیا ہے۔

https://twitter.com/PublicAfghan/status/1606655169210421248?s=20&t=-D-sDLvZi_gVHi-hrP0d2A

وزارت اقتصادی امور کے ترجمان عبدالرحمان حبیب نے بیان میں کہا ہے کہ  خواتین کے لباس سے متعلق  اسلامی قوانین پر عملدرآمد  نہ ہونے کی وجہ سے پابندی عائد کی گئی ہے۔

بیان میں مزید یہ بھی کہا گیا ہے کہ پابندی پر عمل نہ کرنے والی تنظیموں کی رجسٹریشن منسوخ کردی جائے گی۔

واضح رہے کہ اس سے قبل طالبان حکومت کی جانب سے خواتین کی  تعلیم پر بھی پابندی عائد کی گئی ہے جس کے باعث انہیں عالمی برادری کی جانب سے تنقید کا سامنا ہے۔