ملائیشیا کے وزیر اعظم انور ابراہیم نے وزیراعظم شہباز شریف سے فون پر گفتگو کی ویڈیو جاری کردی۔
گزشتہ روز شہباز شریف نے ملائیشین ہم منصب کو فون کیا تھا اور انہیں عہدہ سنبھالنے پر مبارکباد دی۔
اس کے علاوہ دونوں وزرائے اعظم نے دو طرفہ تعلقات پر بات کی۔ شہبازشریف نے ملائیشین ہم منصب کا سیلاب زدگان کی امداد پر شکریہ بھی ادا کیا۔ شہبازشریف نے ملائیشین ہم منصب کو9 جنوری کوجینیوا میں ڈونرزکانفرنس میں شرکت کی دعوت دی اور سیلاب متاثرین کی امداد اوربحالی کیلئے ڈونرزکانفرنس سے آگاہ کیا۔ملائیشیا کے وزیراعظم نے ڈونرز کانفرنس میں اعلیٰ سطح کا وفد بھجوانے کی یقین دہائی کرائی۔
Menerima panggilan telefon daripada Perdana Menteri Pakistan, Tuan Yang Terutama Shahbaz Shareef.
Video penuh: https://t.co/9OeJSNIlGw pic.twitter.com/I1vLeQt8sK
— Anwar Ibrahim (@anwaribrahim) January 4, 2023
ملائیشیا کے وزیراعظم نے شہباز شریف سے فون پر ہونے والی بات چیت کی ویڈیو جاری کی ہے۔
بات چیت کے دوران ملائیشیا کے وزیراعظم نے پاکستانی ہم منصب کا اردو میں شکریہ ادا کیا اور کہا کہ ’شکریہ میری دوستی پرائم منسٹر‘۔ اس پر شہباز شریف نے مسکراتے ہوئے شکریہ ادا کیا۔
انور ابراہم نے گفتگو کے دوران نواز شریف اور عمران خان کا بھی ذکر کیا۔ فون کال کے آخر میں ملائیشا کے وزیراعظم نے ’خدا حافظ‘ بھی کہا۔
